Am 03. Dezember 2022 het wieder ä Chlaushöck mit dr Jugi vom Bezirk Winterthur stattgfunde. Nach emene schöne Jugi-GD ih dr wiehnachtlech dekorierte Chile Bülach si die rund 70 Jugendleche ih d Waldhütte in Hochfälde gange und si dert härzlech Willkomme gheisse worde. Die drü Füür bim Ihgangsberich und dr warm Glüehwii/Punsch hei eim d Chelti chli lah vergesse.
Nach paar Minute isch es de los gangeh. Bim Raclettöfeli dusse het me chönne gah dr Chäs hole, dinne hets no diversi Gwürz und Bilage gha und de het me ih di schön vorbereiteti Stube chönne gah ässe. Nachdem auii satt si gsi, isch z Programm witer gange. Zum no chli ä Ustusch mit anderne z ha, wo me villech nid kennt het, hei mir zuefälligi Gruppe gmacht und si de zämä ufene Postelouf gange. Ou wenn mir dr Samichlous und d Tannezäpfe nid gfunde hei, hei mir üs nach dem Verdouigsspaziergang z Dessert verdient gha.
So isch dä wunderschön Abe mit emene gmüetleche Zämäsi z Änd gange und mir fröiie üs scho izze ufs nächste Jahr. 🙂
Es paar Biuder drzue fingsch hie.